Antje de Musical

Ich zeuk nao...

Wieërt weurtj weer wakker!

2014: Op ‘nne bomvolle mêrrentj maaktj Wieërt kinnis mét ‘de spektakelmusical’. Bekindje popnummers vörzeen van eigetiêdse dialecttekste di-j, same met de verbingendje tekste van verteller Ton Adriaens, ’t verhaol brînge van Jan & Mieke in ’Rogstaekers de Legende’.

2018: Daezelfdje mêrrentj és ’t tenieël vör ‘ne fônkelnowwe knaller! Oeëze eige Wieërter hêldj Philps de Montmorency keumptj tot laeve in ‘Graaf van Horne-de Musical’ en Wieërt és lyrisch oeëver dét waat d’r geboeëje weurtj.

2024: Mér ’t kân nog groeëter, nog schoeëner! ’t Wachte weurtj beloeëndj. Vae verhoêze nao ’t Statieplein dét in z’n gehieël komplieët met de statie ’t tenieël vormtj vör…. ‘Antje- de Musical’

En neme uch me-j nao 30 oktoeëber 1913 as de ieërste stoumtrein uut Eindhove via ’t spoeër oppe statie in Wieërt binne dênderdj en dêndere zoeë-mer doeër de tiêd nao 2020 corona. ’n Verhaol oeëver Wieërt, oongersnemerschap en alles woeë Wieërt gruuëts op és .

Vae zeen bli-j det vae uch kunne aankondige det vae drök doondje zeen mét de vuuërbereî-jinge van ‘ne nowwe musical op 17, 18 en 19 mei 2024 op ’t plein beej de stasie “ANTJE de MUSICAL”.

 

 

Wieërt weurtj weer wakker! Zeejjae d’r beej?!

Rizzervieëre

Antje de Musical weurtj gespuuëldj op vriêdig 17, zaoterdig 18 en zoondig 19 mei 2024 op ‘t Stasieplein in Wieërt.

Rizzervieërtj vuuëraaf eur entreebewiês, d’r és geine daâgkassa. Ongerstaondje priêze zeen exclusief service- en transactieköste.

Kojje in aanmerking vör mindervalide plaats, al dan neet met begeleider, dan zeen d’r speciale plaatse beschikbaar. Neemtj heejvör contact op.

Staonplaatse

Antje de Musical
15
00
per persoeën
  • Staonplaats op tribune
  • Gratis programmabukske (tot 1 fibberwarie)

Zitplaatse

Antje de Musical
20
00
per persoeën
  • Zitplaats op tribune
  • Gratis programmabukske (tot 1 fibberwarie)

Mindervalideplaatse

Antje de Musical
20
00
per persoeën
  • Plaats spesjaal tribune
  • Geschiktj vör rolstool
  • Gratis programmabukske (tot 1 fibberwarie)

Audities ‘Antje-de Musical

Theater de Huiskamer waas zaoterdag 11 mieërt ‘t tenieël vör de ieërste audities van ‘Antje-de Musical’. Nao ‘n vuuërselectie wore 12 auditânte uutgenuuëdj um eur zangtalênt te laote beoeërdaele doeër ‘t artistieke team vanne musical. Om dudelik te make det de stichting Wieërt Amezieërtj de zaak serieus wiltj aanpakke waas Rob Mennen, muzikaal leider van de professionieël musicalproductie ‘Dagboek van een Herdershond’, uutgenuuëdj um ‘t team te ongerstuuëne.

‘t Team waas good te spraeke oeëver ‘t regionaal talênt det de stoute schoon haaj aangetrokke um, toch wat zieënewechtig, ‘n kâns te waoge vör ‘n rol inne musical dae op 17, 18 en 19 mei 2024 zal waere opgeveurdj.

Op 15 aprîl zal ‘n twieëdje auditie plaatsvînge woeëvör, naeve de zangtalênte di-j de ieërste ronde mét succes hebbe aafgesloeëte, ouch e gezelschap zêngers en zangeresse di-j inne productie ‘Graaf van Horne-de Musical’ ‘n rol spuuëldje, waere genuuëdj. Beej di-j auditie zal de bezétting vör ‘Antje-de Musical’ waere gekoeëze. Ouch daovör hieët Rob Mennen, dae zien enthousiasme vör de op hang zeendje productie beej de ieërste auditie neet oonger steul of bênk stoeëk, zien mejwêrking weer towgezagdj.

Op dieës website haoje vae uch oppe huuëgdje vanne ontwikkelinge
roontelum de musical.

Antje het Magazine

Medio februari is bij ruim 27.000 adressen in de gemeente Weert, Nederweert en een gedeelte van Leudal ‘Antje het Magazine’ huis aan huis verspreid. Het kleurrijke magazine blikt vooruit op Antje de Musical, de nieuwste productie van Stichting Wieërt Amezieërtj.

In het magazine lezen geïnteresseerden alles over Antje de Musical, dat op 17, 18 en 19 mei 2024 zal worden opgevoerd op het Weerter Stationsplein. Lezers worden meegenomen in de historie van vlaaienverkoopster Antje en het verhaal van Antje de Musical. Uiteraard stellen de artiesten zich voor en wordt een kijkje achter de schermen geboden. Het magazine is tot stand gekomen onder de eindredactie van Frits Nies.

Gruuëtse sponsore

Antje de Musical zoeëj onmuuëgelik uutgeveurdj kinne waere sónger de steûn inne rök van dieës gruuëtse sponsore.

Cast en crew

Peter van den Bosch (57)
Productie

Geboeërte- en woeënplaats :
Wieërt

Muzikaal CV:
In samewêrking mét de tieëgewoeërdige ploog of allein mét broor Dorus betrokke beej de volgendje producties: ‘Rogstaekers-De Legende’ (2014), theatervuuërstélling ‘Kefee Veldeke’ (2016), ‘Graaf van Horne-de Musical’ (2018), theatervuuërstélling ‘Körsmes in Wieërt’ (2019) en theatershow ‘Wae zien Sjloetingstied’ in Dok6 in Panningen (2023).

Favoriet popnummer:
Going Home, Theme of the Local Hero – Dire Straits / Mark Knopfler

Dorus van den Bosch (68)
Regie en productie

Geboeërte- en woeënplaats:
Wieërt

Muzikaal CV:
Dikke trom inne drumband oppe lieëgere schoeél oppe Beest. 12 jaor tekstschriêver, spuuëler en regisseur vanne Boonte Aovendje vanne Rogstaekers. Tekstschriêver, spuuëler, regelaar van ‘Weerse Prei’. Regie theatershows Joss Mennen, Ed en Frans (‘Knabbelspek’), ‘Kefee Veldeke’, ‘Körsmes in Wieërt’, tekstschriêver en regisseur van ‘Wae zeen Sjloetingstiêd’ (Panningen). Regie ‘Rogstaekers-de Legende’, ‘Graaf van Horne-de musical’.

Favoriet popnummer:
Still Got the Blues – Garry Moore

Ton Adriaens (71)
Schriêver verhaolliêne en dialoge, spelregisseur, vertéller.

Geboeërte- en woeënplaats:
Wieërt

Muzikaal CV:
40 jaar docent middelbaar beroepsongerwiês. Naeve Nederlands en Raekene/Wiskunde wore Omgangskunde, Sociale Vaardighede. ‘Vuuërlaeze en Vertélle’, mer vörâl Dramatische Expressie wore de lésse woeë ichzelf ‘t mieëste plezeer uut haaldje: “Studênte serieus neme, enthousiasmieëre, vertrawwe en verantwoeërdelikheid gaeve mer ouch dudelike grenze stélle. Op e podium veul ich mich as ‘ne vés in ‘t water. Begonne mét tonieëlstökskes oppe lieëgere schoeël, later bij Tierelantijn, de Boonte Aovendje vanne Rogstaekers en ‘De Weerse Prei.’ Gastspraeker, moderator of presentator beej de mieëst uuteînloupendje gelaegenhede. Gespuuëldj in e paar amateurfilms en workshops theatersport. Mét âl di-j ervaringe same mét Dorus, Peter en Mark in 2013 as ‘creatieve groep’ onbevânge in ‘t project ‘Rogstaekers-De Legende’ gestaptj. Mét de stélregel: ‘Alles kân tot ‘t tieëgendael bewieëze is’. De successe van ‘Rogstaekers-De Legende’ (2014) en ‘Graaf van Horne-de musical’ (2018) hebben os gestêrktj in ‘t vertrawwe op ‘ne gooje afloup van ‘Antje-de musical’.

Favoriet popnummer:
High Rockin’ – symfonische rockgroep Alquin

Ronald Moonen (59)
Ronald Moonen (59) Verantwoeërdelik vör de gehieële meziek & Börgemeîster Kolkman

Geboeërte- en woeënplaats:
Wieërt

Muzikaal CV:
Duo Difference, producer/arrangeur/studiotechnicus. 10 jaor piano- en zanglés, studiotechniek opleiding SAE Amsterdam. Ruum 35 jaor beroepsmuzikânt as de ein helft van ‘Duo Difference’, same mét mien vraw Carien. Regelmaotig op groeëte podia gestânge zoeë as ‘t LVK. Inne musical ‘Rogstaekers- de legende’ (ouch) de rol van börgemeîster vertôlktj, klein rol in ‘Graaf van Horne-de Musical’. 20 jaor freelance sessiemuzikânt beej ‘Johnny Hoes/Telstar Studio’s’ in Wieërt. 28 jaor gelieëje eîge opnamestudio begonne.

Favoriet popnummer:
Zij – Marco Borsato

Ed Stroek (56)
Wieërter ongernemer moderne tiêd

Geboeërte- en woeënplaats:
Wieërt

Muzikaal CV:
15 jaor Boonte Aovendje beej de Rogstaekers. Regelmaotig in Munttheater mét o.a. eîge cabaretshow mét Frans Snels, ‘Körstshow’, Boonte Wichtermiddig, enz. Lid van tenieëlgroep Weerse Prei.
Same mét Frans Snels ‘t duo Ed & Frans en nog völ en völ mieër!

Favoriet popnummer:
A Day in the life – The Beatles

Frans Snels (57)
Zênger, entertainer, aanjager

Geboeërte- en woeënplaats:
Wieërt

Muzikaal CV:
Zênger, entertainer, aanjager. Bin vörâl de béste uutveurder van ‘t Wieërter duo Ed & Frans. Mejgedaon inne musicals ‘Rogstaekers – De Legende’ en ‘Graaf van Horne – de musical’. Twieë kieër op ‘t Vrijthof opgetroeëje beej de 11de vanne 11de vör mer leefst 25.000 minse en twieë kieër métte vastelaovendj opgetroeëje inne Zoêpkoel in Venlo. Same mét vreend Ed Stroek traeje vae ‘t hieël jaor doeër op beej fieëstjes en perti-jje.

Favoriet popnummer:
Direct – All in Vain

Stefan Wolter (33)
Paul, broor van Femke

Geboeërte- en woeënplaats:
Wieërt

Muzikaal CV:
Vuuërzînge oppe basisschoeël.  Groep 8 musical, as einige ‘n zîngendje rol. Oppe middelbaar schoeël moge preuve aan ‘t podium mét zang en theater. Doeër dieës ervaring bin ich op mien 17e same mét ‘ne kammeraod meziek gaon make, ieërst mét ‘ne band, mer al vreej snêl mét z’n twieëje e bendje: R3wind Acoustic. Vandao uut gevraogdj vör verschillendje projecte woeë oonger de Zingende Barmannen en zoeë bin ich inne entertainment- en vastelaovendjmeziek terecht gekaome en kiektj woeë vae noow staon!

Favoriet popnummer:
Walking in Memphis – Marc Cohn

Ivonne Hendriks-van Bogget (55)
Ongernemer en dokter

Geboeërte- en woeënplaats:
Wieërt

Muzikaal CV:
Meziekschoeël en jeugdkoeër van broeder Wendel Jordans; Tritonus jongerekoeër Sint Matthiaskêrk, Luuëke en The Streetsingers. 23 jaor opgetroeëje beej de Boonte Wichtermiddige en Boonte Aovendje vanne Rogstaekers. ‘Jan van der Croon operette’ (1993} mét ‘t duo Kaat en Nel. ‘Rogstaekers operette’ (2000) en ‘Rogstaekers-De Legende’ (2014). Noow völ studiowêrk en achtergroondzangeres en eîge band: ‘Von en Ome Wullum’.

Favoriet popnummer:
Geîn. Ving allerlej meziek leuk.

Wilma van Mierlo (54)
Natalja, vluchtelinge uut Oekraïne

Geboeërte- en woeënplaats:
Ni-jwieërt / Wieërt

Muzikaal CV:
Vanaaf kîndjertiêd in koeëre in Ospel, daonao podiumervaring beej WOK Meziektheater (ieërder Weerter Operette Koor) enne Ray Stabbing Singers. Ruum 20 jaar gezoonge beej de Boonte Aovendje vanne Brökwagters op Bosseve (ieërste soloparti-jje). Nuuëge jaor gezoonge beej de Wieërter Musicband Dial24, vuuërnamelik backing vocals. Vanaaf 2017 beej de zéskoppige (Ni-j)wieërter MLC Band, mét optraejes op o.a. kêrmisse inne regio, in diverse Wieërter kefees en maaktj-neet-uut-waat-vör-fieëste!
Ich heb al dék mej moge doon aan onvergaetelikke en unieke projecte, zoeë as: de Rogstaekersoperette (2000), musicals ‘Herrefst’’ (2004) en ‘Wieërt 601’ (2015). Diverse Proms-, Maestro-, Oranje- en Nowjaorsconcerte mét hermeni-jje in Sevenum, Someren-Eind en Wieërt.

Favoriet popnummer:
The Pretender – Foo Fighters.

Marcel Moonen (51)
Bakker Steegmans

Geboeërte- en woeënplaats:
Rooj / Wieërt

Muzikaal CV:
Sinds 1998 lid van Manoeuvre, Wieërt. In 1999 mét Manoeuvre (toen nog ‘t Jongemannekoeër) winnaar van ‘t Lidjesfestival in Weert met ‘t nummer ‘Alaaf’ en finalist beej ‘t LVK. In 2000 mét Manoeuvre inne Rogstaekersoperette,  2004 Wieërter musical ‘Herrefst’. In 2007 hoeëfdrol inne aovendjvöllendje show Men & Wheels van Manoeuvre (Wieërter Podium Publiekspriês). Diverse promsconcerte mét Manoeuvre.

In 2013 mét Manoeuvre Boonte Aovendje vanne Rogstaekers. Beej Manoeuvre völ solo’s beej ‘t bekindje Tapzînge en e paar edities van Stadzînge. In 2014 rol moge spuuële van d’n Daeke in musical ‘Rogstaekers-De Legende’. In 2015 hoeëfdrol as îngelbewaarder inne musical ‘Wieërt 601’. Sinds 2015 kuuërke vör de ‘vastelaovendjmés’. In 2018 rol van bieëldjestormer Herman Ressen in ‘Graaf van Horne – De Musical’. In 2022 solist en koeërzênger bij de ‘uutrooping van Vorst Jasper’.

Favoriet popnummer:
Love of my life – Queen.

Esther Snijders (47)
Femke Steegmans

Geboeërte- en woeënplaats:
Wieërt / Rooj

Muzikaal CV:
Meziek és mich mét de paplieëpel ingegoeëte en absoluut mien groeëte passie. Op jonge laeftiêd begonne mét piano spuuële en zînge. Doeër de jaore haer leadzangeres van diverse coverbands. Noow mét völ plezeer beej twieë bands: ‘Limbo Project’ en ‘DaVinci’. ‘Limbo Project’ maaktj (eîge) Limburgstalige popmeziek woeëmej vae doeër Limburg toere. ‘DaVinci’ neemt ‘t publiek mej op ‘n muzikaal reis doeër de jaore ‘70, ‘80 en ‘90. Ouch actuieël nummers passieëre de revue. E paar schoeën theatershows zoeë as ’Kefee Veldeke’ en ‘Körsmes in Wieërt’. In 2018 ‘n rol in ‘Graaf van Horne-de musical’.

Favoriet popnummer:
Alone – Heart

Leon Smolenaars (47)
Heer Houtzager, huuskesmêlker

Geboeërte- en woeënplaats:
Wieërt

Muzikaal CV:
Van 1984 t/m 1987 zênger in kuuërke ‘De rikrakkers’ in Ospel. In 1993 ‘popster Billy Jones’ in musical ‘De sterren’ (SG Philips van Horne). In 2014 ‘Jan van Mieke’ in musical ‘Rogstaekers – de Legende’; in 2018 ‘Willem van Oranje’ in ‘Graaf van Horne – de musical’. Sinds 1990 zênger vanne Wieërter coverband ‘Guarantee’. 

Favoriet popnummer:
Alles van Sade, Journey, Michael mcDonald … zoeë kân ich nog waal effe doeërgaon. 

Jean Stassen (55)
Pierre, vader van Femke

Geboeërte- en woeënplaats:
Maastreecht / Ospel

Muzikaal CV:
Gestartj as froontmân beej de coverband ‘Watts in a Name’. 20 jaor mét völ plezeer covermeziek gemaaktj en opgetroeëje. Tot 2020 in de band ‘Limbo Project’ mét Limburgstalige popmeziek. Sinds indj 2018 mét ‘n aantal muzikânte de rock/popband ‘Suits me Right’ gestartj mét covers en eîge meziek. Inne vastelaovendjtiêd spuuël ich trombone in kepèl ‘Oze Hoempa’ van d’Oospel. De aafgeloupe jaore aan verschillendje projecte mejgedaon, oonger ângere mét hermeni-j orkeste, slaagwêrkgroepe en big-band-orkeste. Theatershows en daelname aanne edities van ‘Lakeside Music Night’. ‘n Fantastische ervaring waas de rol van Philips van Horne in ‘Graaf van Horne – de Musical’ (2018).

Favoriet popnummer:
Niemand in de Stad – De Dijk

Sanne Heuijerjans (29)
Zöster van Antje en gast

Geboeërte- en woeënplaats:
Wieërt 

Muzikaal CV:
Wichterkoeër ‘De Rikrakkers’, daonao koeër ‘Friends with Voices’ en ‘Forgotten Trouble’ (band).

Mét ‘Shiverburn’ (band) Europese toer gemaaktj mét optraejes op oonger ândere ‘t Bevrijdingsfestival in Remundj en vuuërprogramma ‘3 Doors Down’. Zangeres beej Wieërter coverband ‘Guarantee’. Daonaeve ‘Senna Sage’ (eîge project). In 2018 de rol van Hafida inne musical ‘Graaf Van Horne’. Optraejes as gastzangeres beej hermeni-jje en bigbands beej verschillendje evenemênte.

Meziek spuuëltj ‘n ontzettendj groeëte rol in mien laeve. Naeve mien wêrk as Privacy & legal consultant bin ich in ‘t waekindj dék op ‘t podium te vînge. Det maaktj mich ontzettendj gelökkig en ich zoeëj neet soonger kunne!

Favoriet popnummer:
Geîn specifiek favoriet nummer. Waal artieste di-j mich inspirieëre: Celine Dion, Pink, Jessie J en Alicia Keys. Oonger ângere ‘It’s all coming back to me now’ – Celine Dion.

Wendy van Dooren (34)
Zöster van Antje en Wieërter ongernemer

Geboeërte- en woeënplaats:
Wieërt

Muzikaal CV:
Op 8-jaorige laeftiêd hobo-lés en lid van Stedelikke Hermeni-j St. Antonius. Op 14-jaorige laeftiêd op zanglés beej Shaunette Hildabrand, dri-j maondj later ‘ne eîge pop/rock band ‘Lettuce’. Van Horne Pop gewonne in 2008 en gespuuëldj in ’t vuuërprogramma van Rowwen Hèze. Sinds 2009 völ solo: muzikaal oploestering beej diners, trawceremonies en uutvaarte, concerte mét hermeni-j/fanfare, zangeres beej diverse combo’s, theatershows, musicals, enz. In 2013 miene wîns um e jaor lânk fulltime aan meziek te bestieëje in vervölling laote gaon. Det rizzeltieërdje in 2015 in ‘n eîge aovendjvöllendje theatershow ‘In my dreams’. In 2014 de band VIDO en in 2019 inne Herman Brood tribute ‘The Brood’. Mét allebej de bands nog altiêd volop actief. Daonaeve gezoonge vör doêzendje minse beej ‘t bezeuk vanne kuuëninklikke femiêlie in Wieërt (2011). Eîge cd-single ‘Still on my mind’ (2013). Hoeëfdrol Mieke inne musical ‘Rogstaekers-De Legende’ (2014). De vrawwelike hoeëfdrol in musical ‘Wieërt 601’ (2015); mét VIDO op Bospop (2016). Wieter hoeëgtepûnte: de musical ‘Graaf van Horne’ (2018), liveoptraeje mét Nick & Simon (2018), beej de ‘Toppers in Concert’ (2018), de Buulse Proms (2014-2017-2023) en liveoptraejes in Holland Casino doeër hieël Nederland (2019-noow).

Favoriet popnummer:
Vivo per lei – Andrea Bocelli & Laura Pausini

Nick Menninger (31)
Wieërter ongernemer

Geboeërte- en woeënplaats:
Wieërt

Muzikaal CV:
Sinds 2008 lid van ‘t Wieërter koeër Manoeuvre o.l.v. Noël Seerden (1e tenor). Soloproject ‘Singing with the Big Band’ Valkeswieërt (2017). Jamsessies/gastoptraejes in diverse bands op projectbasis.

Favoriet popnummer:
Earth Song – Michael Jackson 

Cees Metz (60)
Ongernemer

Geboeërte- en woeënplaats:
Sittard / Wieërt

Muzikaal CV:
Mien passie vör de plênk dieëj ich op inne jaore ’90 wi-j ich jaorelânk figurieërdje beej De Nederlandse Opera in Amsterdam. Tiêdes det figurieëre krieëg ich te huuëre det ‘ich waal mej mocht zînge, mer neet te haard’. Ich ging zînge in e koeër en noeëm zangles beej de Muziekschool Amsterdam (toen blieëk det saxofoonlés d’r doeër ‘ne jaorenlange wachtliêst neet inzoot). Trök in Wieërt spuuëldje ich herbergier in ‘Wieërt 601’ en ‘ne bieëldjestormer in ‘Graaf van Horne, de Musical’. Sinds 2015 lid van mannekoeër

Manoeuvre mét regelmaotige optraejes en koeërefestivals. Vuuërig jaor op ‘t podium van poptêmpel Paradiso in Amsterdam: ‘n fantastische ervaring!

Favoriet popnummer:
Need your love so bad – Fleetwood Mac

Rick Weegels (34)
Rik, broor van Femke

Geboeërte- en woeënplaats:
Wieërt

Muzikaal CV:
Maak al ruum tien jaor meziek, begonne beej mannekoeër Manoeuvre. Daelname in 2014 aan de musical ‘Rogstaekers – De Legende’. As mésdeener prezênt beej ‘Weert 601’ (2015). Daonao e paar vastelaovendjnummers gemaaktj en mejgedaon inne Boonte Aovendje vanne Rogstaekers. In 2018 in  ‘Graaf van Horne – de musical’, rol van Willem van Oranje.
Echt völ maeters maak ich mét de fieëstband Two for You, woeë ich eder waekindj waal êrges in ‘t lând mej oppe bühn staon um e fieëstje te bawwe. Sinds kort bin ich ouch solo te boke vör verschillendje gelaegenhede. Op korte termiên kom ich mét ‘ne nowwe band!

Favoriet popnummer:
Disturbed – Sound of Silence

Patrick Hendrikx (49)
Broêdegom Theo Pallandt

Geboeërte- en woeënplaats:
Rooj/ Wieërt

Muzikaal CV:
Al op jonge laeftiêd begosj mét keyboard spuuële en vaste gast beej de waekelikse karaoke op zoondigaovendj beej verkântiepârk Weerterbergen. De start um vör publiek op te traeje és begonne nao daelname aan ‘t programma ‘Karaoke Oud en Nieuw Show’ van Gerard Joling in 1995. Daonao begonne mét optraeje in kefees, op broêlofte, fieëstjes, braderieje, kêrmisse, Oktoeëberfieëste en mét de vastelaovendj! Ik won de verkeezing van ‘t Wieërter vastelaovendlidje in 2005: ‘Mien vraw gezeen’, in 2006 ‘Slup uut de boks’ en in 2009 ‘Drika’. Ik zing oonger miene eîge naam en in samewêrking mét nr.1- artieste; ouch de nowkaomer ‘Stuuterbâl’. Mét de band ‘Woenderbaar’ zeen ve nao 12 jaor gestoptj. Oppe 11dje vanne 11dje heb ich ‘n ronde doeër Limburg gemaaktj mét as hoeëgtepûnt 20.000 mân publiek in Remundj. Recênt gevraogdj as froontmân van de band ‘Die Powerhosen’. Enorm völ zin in.

Favoriet popnummer:
Bee Gees – For Whom the Bell Tolls

Marion Ingeveld (49)
Kuuëningin Wilhelmina

Geboeërte- en woeënplaats:
Wieërt

Muzikaal CV:
Schoeëling: klassiek; privélés beej Elvira van Leeuwen.
1997-2000: Rock coverband ‘Sister of Inky’ Rooj/Muuëlebieërsel (B).
2000-2023: Gelaegenheidsoptraejes (duipsel, trawweri-j, uutvaart).     
2009: Musical ‘Kunt u mij de weg naar Hamelen vertellen, meneer’; Solist (vertélster) en ensemble.
2014: Opera ‘Die verkaufte Braut’: Bedřich Smetana (1866), Wok Muziek Theater.
2015: ‘Wieërt 601’; Solist en ensemble.
2016: Treemonisha: Scott Joplin (1911), Wok Muziek Theater.
2020 – 2022: S’opera Tutu, RICK – Prizzentatie van aria’s en koeërstökke uut opera’s.

Favoriet popnummer:
Roadhouse blues – The Doors

Ton Wolter (58)
Reiziger

Geboeërte- en woeënplaats:
Wieërt

Muzikaal CV:
Mien ieërste zangoptraeje waas op 16-jaorige laeftiêd, op mien 58ste és ‘t artiestevak al völ jaore mien beroep. Ich doon vörâl optraejes woeë ichzelf ouch plezeer aan belaef, vör joonk en aod van theater tot fieësttênt, van privé-fieëstjes tot groeëte festivals.

Mien optraejes zeen in hieël Nederland, Bêls en Duitslând, mer ouch in Italië en recênt in Spanje. Mét e koffer vôl kleî-jer um mien typkes nieër te zétte en mien uutgebrédj repertoire löktj ‘t, woeë ich ouch bin, nog altiêd um minse te entertaine. Ich heb al aan mieërdere Wieërter musicals en operettes mejgedaon en woeëj beej ‘Antje de Musical’ zieëker neet ontbraeke.

Favoriet popnummer:
E favoriet popnummer heb ich neet. ‘t Avé Maria verkees ich tot ‘t schoeënste lied oeëts.

Noa Veltrop (14)
Sofia, dochter van Oekraïnse Natalja

Geboeërte- en woeënplaats:
Wieërt

Muzikaal CV:
Ich volg zanglésse beej Zang & Co (Linda Smeets).

Opgetroeëje beej de oeëpening van ‘t stadspârk. Beej ‘n

optraeje van Davina Michelle heb ich backstage e klein stökske mét eur moge zînge. Twieë kieër inne finale van ‘t KVL (Kinder Vastelaovendj Lidjeskonkour) en dit jaor inne finale van ‘t TVK (Tiener Vastelaovendj Lidjeskonkour). Mét de vastelaovendj heb ich op diverse podia en in kefees gestânge mét mien eîge vastelaovendjliedjes en covers.

Favoriet popnummer:
Hyper – Davina Michelle

Joany Niessen (31)
Kiki

Geboeërte- en woeënplaats:
Wieërt / Ni-jwieërt

Muzikaal CV:
In 2022 mejgedaon as invalzangeres beej ‘t Limburgse Zuiderstormfestival mét de band ‘Ten Pickles for Johnny’. Det waas mien ieërste podiumervaring. Noow zangeres van de nowwe rockband ‘Beacon’.

Favoriet popnummer:
School – Supertramp.

Ruud Teunissen (50)
Dokter in coronatiêd

Geboeërte- en woeënplaats:
Wieërt

Muzikaal CV:
Op mien 18e begonne mét zînge in ‘t Jongemannenkoeër (noow Manoeuvre) en nao twieë jaor ouch beej de Streetsingers, van heejuut gevraogdj beej de Vastelaovendjzêngers. Mejgezoonge in achtergroondkoeëre van völ vastelaovendjlidjes en beej de drej Wieërter Tenore. Mét dieëze léste groep inne finale van ‘t LVK gestânge en inne Zoêpkoel in Venlo. As zênger ouch actief inne Copperband Moorland en noow nog altiêd beej Dial 24. Inne Rogstaekersoperette waas ich lid vanne schötteri-j, in ‘Herrefst’ kûnstgaleri-jhaojer Jean-Jacques en ich spuuëldje in ‘Weert 601’. In ‘Graaf van Horne – de Musical’ spuuëldje ich Lamoraal van Egmond.

Favoriet popnummer:
Enjoy the silence –  Depeche Mode.

Linda Smeets (40)
Antje

Geboeërte- en woeënplaats:
Ell / Wieërt

Muzikaal CV:
Begonne mét blokfluitlés en vanaaf groep 3 in ‘t wichterkuuërke van Ell en beej Cantarella. Altsaxofoonlés, lid van fanfare Ellona tot m’n 16e. Vanaaf m’n 11e heb ich zanglés gevolgdj; mét 11 jaor ‘t Vara Kinder Songfestival vör Limburg gewonne en op mien 12e verkoeëze um vör Limburg same mét Loïs Lane te zînge beej ‘t Unicef Gala. Sinds m’n 16e zing ich in PartyBoest. Mejgedaon mét Van Horne Pop, ‘t Muziekgala oppe Philips van Horne en ich zoot oppe vuuëropleiding van ‘t Maastreechts Conservatorium. Op m’n 18e Utrecht HKU (Utrechts Conservatorium). Op m’n 20e gekoeëze um mej te doon mét ‘She Got Game 3’, ‘n productie van Leoni Jansen. Gaaf um op theatertournee te gaon en de kneepkes van ‘t vak te lieëre. Vanaaf m’n 19e gaef ich zanglés, ieërst in Utrecht, daonao in Den Haag en noow al 11 jaor in Wieërt, oonger de naam Zang en Co. Op m’n 22e gevraogdj um te gaan toere mét Rowwen Hèze. Dit rizzeltieërdje in ‘ne solo (De Moan) en ‘n duet (Vur altied is vurbeej). In 2009 ‘n EP uutgebrachtj mét eîge nummers woeëmej ich heb opgetroeëje beej Gerard Ekdom, Daniel Dekker, Rob Stenders en ‘n toertje heb gemaaktj mét miene band. In 2018 stong ich hoeëgzwanger op ‘t podium oppe Mêrrentj beej e Promsconcert en mét ‘ne dikke boêk as ein vanne hoeëfdrolspuuëlers van ‘Graaf van Horne-de Musical’. Ich heb ‘n theatertournee gedaon mét Guido’s Orchestra. In 2018 en 2019 ‘n eîge theatershow ‘South by South’. Sinds 2023 beej ‘Träcksäck’, woeëmej ich o.a. op Bospop stong. Sinds juni 2023 bin ich popcoördinator van Wieërt. Wieter zing ich op uutvaarte en broêlofte waat ich mét völ leefdje doon.

Favoriet popnummer:
Impossible – in de orkestrale versie van Nothing but thieves

Mark Bouwmans (57)
Artistiek indjverantwoeërdelik, meziektekste, casting

Geboeërte- en woeënplaats:
Wieërt

Muzikaal CV
Tekste schriêve van Wieërter vastelaovendjlidjes en nummers vör dialect popformatie ‘Plat Wieërs’.  Dialectlidjes vör diverse lokaal artieste. Tekste vör ‘t Tegelse duo ‘Thei en Marij’.  Tekste vör de musicals ‘Rogstaekers-De Legende’ en ‘Graaf van Horne- de Musical’. Voor allebej de musicals artistiek indjverantwoeërdelik. Ouch artistiek indjverantwoeërdelik vör de prizzentatie vanne Gulden Humor 1996/2014/2021-22 in Wieërt. Same mét Veldeke Wieërt (i.s.m. Dorus en Peter van den Bosch) de artistieke invölling gedaon van ‘Körsmes in Wieërt’.

Favoriet popnummer:
The Eagles – Hotel California